24th day @ School

20 AUGUST 2022

വ്യാഴാഴ്ച അവധി ആയിരുന്നതിനാൽ അന്നേദിവസത്തെ ക്ലാസ് ശനിയാഴ്ചയിലേക്ക് മാറ്റി. അതിനാൽ ഇന്ന് working day ആണ്. രാവിലെ 8.45ന് സ്കൂളിൽ എത്തിച്ചേർന്നു. ഇന്ന് എനിക്ക് Morning Duty ഉണ്ടായിരുന്നു. അവിടെ നിൽക്കുമ്പോൾ കുഞ്ഞു ക്ലാസ്സിലെ കുട്ടികൾ സ്നേഹത്തോടെയും ബഹുമാനത്തോടെയും Good morning teacher എന്ന് പറയുന്നുണ്ടായിരുന്നു. അത്‌ കേൾക്കുമ്പോൾ, അതുവരെ എന്റെ മനസിലുണ്ടായിരുന്ന എന്തൊക്കെയോ വിഷമങ്ങൾ അലിഞ്ഞില്ലാതാകുന്ന പോലെ തോന്നി. എനിക്ക് ചുറ്റിലും ഒരു സന്തോഷം ഉള്ളതുപോലെയും.

പ്രാർത്ഥനയ്ക്ക് ശേഷം 1st Period 9C യിൽ biology test paper ആയിരുന്നു. എല്ലാവരും നിശബ്ദരായി ഇരുന്നുതന്നെ exam എഴുതി.

ഉച്ചയ്ക്ക് ശേഷം സ്കൂളിൽ General Body meeting ഉണ്ടായിരുന്നു. ആയതിനാൽ teachers ഇല്ലാത്ത ക്ലാസ്സുകളിലേക്ക് substitution ആയി പോകേണ്ടി വന്നു. ആദ്യം 9C യിലേക്കാണ് പോയത്. അവിടെ മലയാളം പഠിപ്പിക്കാനായി sister എത്തിയതിനാൽ പിന്നീട് 5C യിലേക്ക് പോയി. ഒരിക്കൽ അവിടെ substitution കിട്ടി പോയിരുന്നു. ഇന്ന് എന്നെ കണ്ടയുടൻ ടീച്ചറെ ഇങ്ങോട്ടേക്ക് വാ എന്ന് 5C യിലെ കുട്ടികൾ വിളിച്ചത്  എന്തുകൊണ്ടാണ് എന്ന് അറിയില്ല.

പിന്നീട് ഇന്ന് മുഴുവൻ അവിടെ തന്നെയായിരുന്നു. Games ഒക്കെയായി എല്ലാവരും സന്തോഷത്തോടെ ഇരുന്നു. പെൺകുട്ടികൾക്ക് പാട്ടുപാടാൻ ആയിരുന്നു ഇഷ്ട്ടം. ആൺകുട്ടികൾക്ക് തങ്ങളുടെ കയ്യിലെ ID card ന്റെ tag വെച്ചു കുരുക്കഴിക്കുന്ന വിദ്യയിൽ എന്നെ പങ്കെടുപ്പിക്കുക എന്നതായിരുന്നു ഇഷ്ട്ടം.

ദേശീയഗാനത്തിന് ശേഷം 3.45ന് സ്കൂളിൽ നിന്നും ഇറങ്ങി.